Dėktanta rašīms vīks mėšrē – ėr nuotuolėnio, ėr kontaktėnio būdo. Dėktants vaserė 7 dėina 17.30 adīna būs rašuoms ėr tėisiuogē translioujems internetė – Skouda rajuona savėvaldībės R. Granauskė vėišuosės bėbliuotekas FB paskīruo.
Dėktanta anuo dalīvē rašīs bėbliuotekuo ėr veiziedamė tėisiuogėnė transliacėjė. Anamė gal dalīvautė vėsė nuorėntė̄jē – ne tik Žemaitėjės, bet ėr vėsuos Lietovuos gīventuojē, esontis bet kuokiamė pasaulė kraštė, solaukė 14 metu, katrėms rūp pasėtėkrintė torėmas žemaitiu kalbuos gramatėkas ėr rašības žėnės, ėšdieliuotas muokslėnemė daktara Pabriežas Jūzapa leidėnie „Žemaičių kalba ir rašyba“.
Dėktanta dalīvē, pabėngė anou rašītė, tou, kou parašė, tories par posadīni noskenoutė, nopaveiksloutė arba WORD pormata duokomėnto ėšsiūstė elektruonėnė pašta adreso [email protected]
Nuorint rašītė dėktanta, rēktom registruotėis el. pašto [email protected] Nuors galies dėktanta rašītė ėr be ėšonkstėnės registracėjės.
Kvėitam okatlīvā dalīvautė dėktanta rašīmė!
.png)
Dalintis nuoroda el. paštu