Vaserė 5 d. organizoujema dėktanta tėkslā – pruopagoutė žemaitiu kalba ėr muokītėis anuos gramatikas.
Rašītė dėktanta gal vėsė solaukė 14-as metu, nepriklausuomā no anū gīvenamuosės vėitas.
Kap ėr onkstiau, galies rašītė Skouda rajuona savėvaldībės R. Granauskė vėišuojie bėbliuotekuo (Dariaus ėr Giriena g. 25B) arba veizont tėisiuogėnė transliacėjė interneta suocialėnė tinkla „Facebook“ šiuos bėbliuotekas paskīruo.
Tus, katrėi nuor rašītė dėktanta bėbliuotekuo, dėdėlē kvėitam lig 2026 m. vaserė 3 d. ožsėregistroutė elektruonėnio pašto [email protected], nuors galies rašītė ėr ožsėregistroutė nespiejosė̄jē.
Dėktanta pradė – 18 val.
Pasėbėngos dėktanta transliacėjē internetė, anou rašiosė̄jē ne bėbliuotekuo par 30 mėnotu tories atsiūstė teksta „Word“ pormato arba noskenouta, nopaveikslouta ronko rašīta varijanta elektruonėnio pašto [email protected].
Dėktanta dalīviu gebiejėmā būs vertėnamė, atsėžvelgont i kraštietė kalbėninka dr. Pabriežas Jūzopa veikalė „Žemaitiu kalba ėr rašība“ ėšdiestītas šiuos kalbuos gramatikas taisīklės.
Dalintis nuoroda el. paštu